Таш-Көмүрдө жоголгон 46 жаштагы жаранды издөө иштери уланып жатат. Бул тууралуу Өзгөчө кырдаалдар министрлигинен билдиришти. 

"11-январда таң эрте издөө иштери улантылат. 10-январда издөө үчүн  54 адам, 4 дрон тартылды"- деп айтылат маалыматта. 

Буга чейин, 2024-жылдын 15-декабрында Таш-Көмүр шаарынын тургуну Сүттү-Булак жайлоосуна мал айдап кеткен бойдон дайынсыз экендиги айтылган. Аны издөө жумуштары 17-декабрдан бери уланууда.