"Жоокерлерге зомбулук көрсөткөн" деген шек менен Коргоо министрлигинин аскер бөлүктөрүнүн биринин кызмат адамдары  кармалды. Башкы прокуратура аларга Кылмыш-жаза кодексинин 138-беренеси (уруп-сабап кыйноо) менен кылмыш иши козголгонун кабарлады. Зомбулук көрсөткөн аскер бөлүгүнүн үч жетекчиси камакка алынган.

Башкы көзөмөл орган камакка алынгандар кайсы аскер бөлүгүнүн кызматкерлери экенин ачыктаган эмес. 

Кыргызстанда жоокерлерди уруп-сабаган окуялар буга чейин да болгон.   Алардын айрымдары өлүм менен аяктаган да учурлар бар.

Буга чейин "Т-Медиа" армияда зомбулукка кабылган жоокерлердин окуяларын анализ кылган.