Бүгүн, 9-ноябрда Жумгалда жайлоодо жоголгон ата-баланы издөөгө Өзгөчө кырдалдаар бөлүмүнөн 5 куткаруучу, Ички иштер министрлигинен 9 кызматкер, жергиликтүү тургундардан 10 адам тартылды. Бул тууралуу Өзгөчө кырдаалдар министрлиги билдирди.

Ал эми Нарын дарыясына секирген делген өспүрүм кызды издөөгө 15 куткаруучу, 20 милиция кызматкери, жергиликтүү тургундардан 3 адам тартылган.

Жумгалда мал кайтарганы жайлоого кеткен ата-бала 16-октябрдан бери дайынсыз. Ал эми, Нарын шаарында 2-ноябрдан бери 17 жаштагы өспүрүм кыз изделип жатат. Ал  Жаңы-Жол тилкесиндеги көпүрөдөн Нарын дарыясына секирип кеткендиги айтылган.