Америка Кошмо Штаттарында жол кырсыгынан бир кыргыз жараны каза болду. Бул тууралуу Тышкы иштер министрлиги кабарлады.

Кырсык Пенсильвания штатынын Карбон округундагы I-80 (Interstate) штаттар аралык автомагистралында болгон. 38 жаштагы аял алган жаракатынан жеринде көз жумган. 

Учурда соттук-медициналык экспертиза дайындалган. Анын жыйынтыгында маркумдун сөөгүн мекенине жеткирүү маселеси каралат.

Кыргызстандын АКШдагы элчилиги каза болгон жарандын жакындары менен байланышта болуп, аларга зарыл консулдук-укуктук жардам көрсөтүп жатат.