Жалал-Абад облусунун Аксы райондук прокуратурасы 2024-жылдын он бир айында коррупцияга каршы мыйзамдардын аткарылышын текшерүү учурунда 902  миң 85 сом өлчөмүндөгү зыянды акчалай, 2 млн. 600 миң сомду натуралдык түрдө толтурду. Бул тууралуу 9-декабрда Коррупцияга каршы күрөшүүнүн эл аралык күнүнө карата уюштурулган иш-чарада айтылды.

Мекеменин билдиришинче, текшерүүлөрдүн жыйынтыгында бир катар кызмат адамдары тартиптик жоопкерчиликке тартылган.

Мындан тышкары райондук прокуратура тарабынан эки оор коррупциялык кылмыш иши козголуп, учурда тергөө иштери жүрүп жатат.