Улуттук статистика комитетинин маалыматы боюнча, өлкөдө акыркы төрт жылда мектептерде иштеген мугалимдердин саны салыштырмалуу өскөн. Мисалы, 2019-жылы 78 миң 552 мугалим эмгектенсе, 2020-жылы 82 миң 55ке жеткен. 2021-жылы 82 миң 724 болсо, былтыр бул көрсөткүч 89 миң 952 болгон. 

Билим берүү жана илим министринин милдетин аткаруучу Догдуркүл Кендирбаева Кыргызстандын орто мектептеринде 841 мугалим жетишпейт. Анын 213чү Бишкекте, Ош шаарында 25, ал эми облустардан Баткенде 129 мугалим жетишсиз. Алардын көбү орус тили жана так илимдер боюнча предметтерге тиешелүү.