Президенттин басма сөз катчысы Аскат Алагөзөв Кыргызстанда тигүү тармагына, курулушта жумушчу күч жетишпей жатканын билдирди. Ал бул тууралуу өзүнүн "Фейсбук" баракчасына 14-сентябрда жазып, Орусиядагы мигранттарды, өлкөгө келүүгө чакырган. 

Алагөзөв эмгек акы Орусияда иштеп тапкан менен бирдей эле болорун белгилеген. 

“Орусияда тигүү тармагында иштеп жүргөн эже-карындаштар, курулуш тармагында иштеп жүргөн ага-инилер, сиздерди Ата Мекениңерге - Кыргызстанга келип иштөөгө чакырам. Азыркы тапта Кыргызстанда тигүү тармагында да, курулушта да жумушчу күчтөрү жетишпей жатат. Албетте, сиздерди кызыктырган эмгек акы-маяналар Орусияда иштеп тапкан менен бирдей эле болот. Эң башкысы Ата Мекениңерде, өз үй-бүлөңөрдүн жанында иштеген жакшы эмеспи”

Маалымат катчы ошондой эле сурап билүү телефондорун калтырган. 

1899 (Кыргызстан ичиндеги чалууларга);  0559189900 WhatsApp.

Тышкы иштер министрлигинин маалыматына ылайык  соңку 1,5 жылда Орусиядагы кыргыз мигранттарынын саны 400 миңге чейин кыскарган.