Президент Садыр Жапаров Баткен, Жалал-Абад жана Ысык-Көл облустарынын айрым айыл аймактарын жана айылдарын кайра атоо тууралуу мыйзамга кол койду. Документ 20-январда күчүнө кирерин президенттин басма сөз кызматы билдирди.

Ага ылайык, Жалал-Абад облусунундагы Аксы жана Базар-Коргон райондорундагы төрт айыл, Ысык-Көлдүн Жети-Өгүз районунун үч айылы жана Баткен облусунун Кадамжай районундагы бир айыл аймактын аталышы өзгөртүлгөн. 

Мыйзам 2023-жылдын 29-ноябрында Жогорку Кеңеши тарабынан улуттук идеологияны өнүктүрүү жана чыңдоо, мурда жана азыр кеңири белгилүү болгон географиялык аталыштарды кайра кайтаруу максатында кабыл алынган.