Баткенден аткезчилик жол менен асыл тукум малдарды алып чыгып бараткан жаран кармалганын облустук ички иштер башкармалыгы билдирди.

Маалыматка караганда, Кызыл -Бел айылынын 48 жаштагы тургуну аткезчиликке шектелип 8-январга караган түнү кармалган. Ал "Ганжак" участкасынан коңшу өлкөгө 5 баш асыл тукум ийри мүйүздүү малдарды айдап бара жаткандыгы айтылды.

Учурда текшерүү иштери жүрүп жатат.