Компанияларга курулуш материалдарынын калдыктарын туура эмес жерге ыргыткандыгы үчүн 46 миң сом айып салынды. Бул тууралуу борбор калаанын муниципалдык инспекциясынан билдиришти.

Борбор калаадагы Октябрь районунун Сухэ-Батор көчөсүндө рейд жүргүзүлүп, курулушу жүрүп жаткан көп кабаттуу үйлөрдүн аймагы текшерилген. Анда туура эмес жерге курулуш калдыктарын ыргыткандыгы үчүн 2 компаниянын ар бирине 23 миң сомдон айып салынды. Алар "Бурана Гранд" жана "НБК" ЖЧКлары.

Бишкек шаарынын мэриясы шаардагы көрктөндүрүү эрежелерин бузган учурлар аныкталса айып пул салынарын эскертет.