Бишкекте он жаштагы кызды сүзүп кеткен деп шек саналган оор жүк ташуучу унаанын айдоочусу эки айга камалды. Бул тууралуу 27-августа Жол кайгуул милициясынын маалымат кызматы кабарлады.

Мекеменин маалыматына ылайык, Свердлов райондук соту айдоочуну тергөө абагына эки айга киргизүү боюнча чечим кабыл алган.

22-февралда окуучу кыз токтоп турган фуранын алдынан басып бара жатканда автоунаа ордунан жылып, кызды тебелеп кеткен. Тилекке каршы, өспүрүм жеринде каза болгон.

27 жаштагы айдоочу бир нече сааттан кийин Пригородное айылынан кармалып, унаасы айып аянтчасына киргизилген. Милициянын маалыматында, айдоочу ал кызды байкабай калганын айткан.