Бүгүн, 28-декабрда Токтогул Сатылганов атындагы кыргыз улуттук филармониясында президенттик балаты өттү. Ага мамлекет башчысы Садыр Жапаров катышты. Иш-чарага өлкөнүн бардык аймактарынан 450 бала чакырылган. 

Президент өзүнүн куттуктоо сөзүндө балдарды Жаңы жыл менен куттуктап, билим алууга, чыгармачылык өнөрлөрүн өнүктүрүүгө жана Кыргызстанды өнүктүрүүгө салым кошууга чакырды. Ал узап бара жаткан жылдагы жетишкендиктерди белгилеп, өлкөдө мектептердин, бала бакчалардын жана башка маанилүү социалдык объекттердин курулушу ишке ашканын айтты.

Иш-чаранын алкагында балдарга майрамдык концерт тартууланып, баалуу белектер тапшырылды.