Быйыл январдан сентябрь айына чейин Кыргызстанда 533 миң адам чакан насыя алды. Алардын басымдуусу же 20%ы Ош облусунда. Бул тууралуу Улуттук статистика комитети билдирди. 

Мекеме маалымдагандай, жалпы 37 млрд. сомго жакын насыя берилген. Бул былтыркы микрокредиттердин суммасынан дээрлик 9 миллиардга көп. Насыя алгандардын саны да былтыркыдан 12%га көбөйгөн. 

Оштон кийин эле кредит алгандардын көбү Жалал-Абад, андан соң Бишкек шаарына жана Чүй облусуна туура келет.  Насыяны көпчүлүгү же 48%ы керектөө муктаждыктарына деп алган.