Быйылкы ажылык сапардын баасы 3750 долларга бааланып, былтыркыдан 150 долларга арзандады. Бул тууралуу Кыргызстан мусулмандарынын дин башкармалыгы билдирди. Эми бардык талаптарды аткарып, документин тапшыргандар ушул сумманы 27-февралдан 4-мартка чейин төлөшү керек.

Буга чейин 2000 долларын төлөп, ажыга барууга кезекке турган талапкерлер да калган 1750 долларды 4-мартка чейин төлөшү керек. Төлөмдөр РСК банк аркылуу жүргүзүлөт.

Сауд Арабиясы 2024-жылдагы ажылык сапар үчүн Кыргызстанга 6060 квота бөлгөн. Бул былтыркыдан 50 орунга аз.

Ажылык мусулмандар үчүн аткарууга милдеттүү болгон беш парздын бири.