Кыргызстанда былтыр жол кырсыгынан 783 адам каза болгон. Анын ичинен 102си жаш балдар. Бул тууралуу Улуттук статистика комитетинин "Кыргызстан сандарда" басылмасында маалымдалган. 

Көрсөткүч 2022-жылга салыштырганда 93 адамга көбөйгөн. Акыркы беш жылды эске алганда эң көп авто кырсык 2021-жылы катталып, 868 адам көз жумган. 

Өткөн жылы жалпы адамдын өлүмүнө жана жаракат алуусуна алып келген 6 миң 945 учур катталган.