Чүй облустук милициясынын маалыматы боюнча, Аламүдүн районунун Чуңкурчак капчыгайында бийиктен секирген эркек кишинин арканы үзүлүп кетип көз жумган. Окуя бүгүн, 6-июлда саат 13:00 чамасында Flyjump деген спорт комлексте болгон.

"Маркум 39 жаштагы болгон. Бул факт Аламүдүн райондук ички иштер бөлүмүндө каттоого алынып, тиешелүү экспертизалар дайындалды. Кийинчерээк кененирээк маалымат берилет ", - деп билдирди мекеме. 

Интернет колдонуучулары маркум эс алууга үй-бүлөсү менен келгенин, жанында балдары болгонун жазышууда.