Информатика боюнча 92 өлкө катышкан эл аралык олимпиадада кыргызстандык окуучулар 2 күмүш, бир коло медаль жана ардак грамотага ээ болду. 

Күмүш уткандар: 

- М.Субакожоев атындагы Нарын лицейинин 10-классынын окуучусу Алихан Айдарбеков;

- "Газпром" Кыргызстан мектебинин 8-классынын окуучусу Ян Бобрус. 

Ал эми "Манас Ата" Талас лицейинин 11-классынын окуучусу Байторо Майрамбеков коло медалга ээ болгон.

Ч.Айтматов атындагы Бишкек лицейинин окуучусу Абдулазиз Лебиев ардак грамота алды.

Балдарды олимпиадага машыктыруучулар – Медербек Осмонов, Кылычбек Урайымов, Айдар Мундузбаев, Тенгиз Беккойонов даярдаган.

Жалпы командалык эсепте Кыргызстан окуучулары 92 өлкөнүн 370 окуучусунун ичинен 27-орунду ээлешти.

XXXVI олимпиада 1-8-сентябрда Египеттин Александрия шаарында өткөрүлүүдө.

Билим берүү министрлиги 2000-жылдан бери мектеп окуучулары информатика боюнча эл аралык олимпиадаларда бир күмүш жана 17 коло медалга ээ болушканын кабарлады.