Кыргызстандык Жамалбек Асылбек уулу спорттун самбо түрүнөн дүйнө чемпиону  болду. Бул тууралуу Дене тарбия жана спорт департаментинен билдиришти.

Арменияда өтүп жаткан дүйнө биринчилигинде ал Гондурастан, Түркмөнстандан, Беларустан, Казакстандан келген жана Армениянын өзүнөн  катышкан атаандаштарын уткан.

Бул спортчудан сырткары дагы бир нече кыргызстандыктар байгелүү орундарга ээ болушкан.

Армениянын Ереван шаарында өтүп жаткан самбо боюнча дүйнө чемпионаты 10-ноябрда башталган. Мелдеш 12-ноябрда жыйынтыкталат. Ага 65 өлкөдөн келген сопртчулар катышууда.