Кыргызстандын 75% тургуну сейсмологиялык кооптуу аймактарда жашашат.  Бул тууралуу Улуттук статистика комитетинин “Кыргызстандын айлана-чөйрөсү” аттуу баяндамасында маалымдалды.

Андагы Өзгөчө кырдаалдар министрлигинин маалыматына ылайык, сейсмологиялык жактан кооптуу деген 80ден ашуун калк жайгашкан аймак жер титирөө болушу ыктымал зоналарда жайгашкан.

Соңку расмий маалыматтарга караганда, өлкөдө жылына орто эсеп менен 3 миң зилзала катталат, анын онго жакыны беш баллдан ашкан магнитудадагы жер титирөөлөр.