Бүгүн, 27-декабрда Жалал-Абад шаарында президент Садыр Жапаровдун, Кытай менен Өзбекстандын өкүлдөрүнүн катышуусунда Кытай-Кыргызстан-Өзбекстан темир жолунун курулушун баштоого старт  берилди.

Маалыматка караганда, темир жол Кашкардан башталып, Торугарт ашуусунан өтүп, Жалал-Абадга келип, Өзбекстандын Анжиян шаарынан бүтөт.

Жалпы узундугу 523 чакырым, анын 305 чакырымы Кыргызстандан өтөт. Жалпысынан 27 тоннель, 46 көпүрө курулат. 

Кыргызстандын Министрлер кабинети менен “Кытай-Кыргызстан-Өзбекстан темир жолу компаниясы” ишканасы 20-декабрда инвестициялык макулдашууга кол койгон. 

Бул стратегиялык долбоор ишке кирсе,  Кыргызстандын экономикасын өнүктүрүүдө маанилүү роль ойной турганы айтылып келет.