Жалал-Абад облусундагы Майлуу-Суу шаарындагы бир жарым гектар парктын жери мамлекетке кайтарылды. Мекеме аталган тилкенин базар баасы 12, 500 млн сомду түзөрүн тактады.

"Майлуу-Суу шаардык прокуратурасы тарабынан калаадагы жер мыйзамдарынын аткарылышы боюнча текшерүү жүргүзүлдү. Анда парктын тастыктоочу жана укук күбөлөндүрүлгөн документтери алынбай, муниципалдык менчикке өткөрүлбөй турган жалпы 1,5 га жер тилкеси аныкталды", -дейт прокуратура.

Мекеме кошумчалагандай, бул ишке байланыштуу прокурордук акты келтирилген. Парктын жери Майлуу-Суу шаарынын муниципалдык менчигине алынган.