Кыргызстандык мушкер Мунарбек Сейитбек уулу Париждеги Олимпиадада финалга чыкты. Эми алтын үчүн күч сынашат.

Ал жарым финалда болгариялык Хавьер Ибаньес Диас менен беттешип, аны 4:1 эсебинде жеңди.

Эми финалда өзбекстандык Абдумалик Халоков менен 11-августта беттеш өткөрөт.  

Мунарбек Сейитбек уулу 57 кг салмакта беттешип жатат. Анын биринчи атаандашы кубалык Орта Родригес Дел Рэй Сайдель болгон. Аны жеңгенден кийин чейрек финалда 2021-жылы Дүйнө чемпиону жана 2023-жылы Панамерика чемпиондугунун жеңүүчүсү болгон Жамал Харви аттуу америкалык мушкерди уткан. 

28 жаштагы Мунарбек Сейитбек уулу Олимп оюндарына биринчи жолу катышып жатат. Ал 2018-жылы жаштар арасындагы Азия чемпионатында коло медал уткан. 2024-жылдагы Дүйнө чемпионатынын коло байгесинин ээси.  

Учурда Парижде Олимпиада оюндары өтүүдө. Анын аякташына үч күн калды. Мелдештерге Кыргызстандан 16 спортчу катышып жатат. Азыр өлкөнүн куржунунда төрт медаль бар. Кыз-келиндер күрөшүнөн Мээрим Жуманазаровада күмүш байге, грек-рим күрөшү боюнча Жоламан Шаршенбеков, Акжол Махмудов жана Үзүр Жузупбеков коло медаль тагынды.