Нарын облусунун Ат-Башы районунда 10-майда каттуу шамал болуп, төрт адам жабыркаган. Бул тууралуу Өзгөчө кырдаалдар министрлигинен кабарлашты.

Алдын ала маалыматта район аймагында түштүк-батыштан соккон шамалдын ылдамдыгы секундасына 24, Нарын жана Ак-Талаа райондорунун аймагында соккон шамалдын ылдамдыгы 18 метр секундага чейин жеткен. 

Шамалдан  36 үйдүн, 6 социалдык мекеменин чатырлары кыйраган. Нарын шаарында 1 үйдүн чатырын шамал учурганы аныкталган.

Эске салсак, 28-мартта борбор калаа Бишкек менен Чүй өрөөнүндө түштөн кийин ылдамдыгы секундасына 26 метрге жеткен катуу шамал катталган.  Андан Бишкек 16 млн сом ал эми Чүй 28,5 млн сом чыгымга учураган.