2026-жылга чейин Кыргызстандын ичинде мобилдик тиркемелер жана интернет банкинг аркылуу акча которууларга комиссия алынбайт. Улуттук банк 23-октябрда жаңы токтом кабыл алды.

Ага ылайык, улуттук валютада (сом) онлайн акча которуулардан комиссия алууга 2025-жылдын 31-декабрына чейин убактылуу тыюу салынган. 

"Бул чара калктын бардык катмары үчүн банктык кызматтардын жеткиликтүүлүгүн камсыз кылууга жана банк секторуна санариптик технологияларды киргизүүнү тездетүүгө өбөлгө түзөт",-деп жазылат маалыматта. 

Токтом расмий жарыяланган күндөн тартып бир ай өткөндөн кийин күчүнө кирет.