Орусияда 15-17-март күндөрү өткөн президенттик шайлоонун протоколдору 100% эсептелип чыкты. Бул тууралуу өлкөнүн Борбордук шайлоо комиссиясы 18-мартта билдирди. Мекеменин маалыматына караганда, азыркы президент Владимир Путин добуштардын 87,28% алган.

Ал эми Путинге атаандаш болгон үч талапкердин бири да добуштардын 5%ын ала алган эмес. КПРФтен Николай Харитонов 4,31%, "Новые люди" партиясынан Владислав Даванков 3,85% жана ЛДПРден Леонид Слуцкий 3,2% добуш алды.

Аталган өлкөнүн БШК төрайымы Элла Памфилова президенттик өнөктүктөр арасынан бул жолу шайлоочулардын катышуусу рекорддук деңгээлде болгонун билдирген. Добуш берүүгө каттоодон өткөн шайлоочулардын 77,44% катышкан.