Кароосуз калган беш бөбөк Орусиядан Бишкекке алып келинди. Эмгек социалдык камсыздоо жана миграция министрлигинин маалымдашынча, ымыркайлардын эң кичүүсү үч айлык, чоңу бир жашта. 

Министрлик балдарды үй-бүлөлөрү менен бириктирүү жана абалын, анын ичинде социалдык, медициналык, психологиялык, укуктук колдоо маселелерин баалоо боюнча иштерди жүргүзөт.

2011-жылдан бери Кыргызстанга ата-энесинин кароосу жок калган 167 бала кайтарылган.