Ош гарнизонунун чек ара ведомствосунун офицери пара талап кылууга шектелип кармалды. Бул тууралуу Улуттук коопсуздук мамлекеттик комитети 26-июнда маалымдады.

Атайын кызмат шектүүнү 25-июнда кармаган. Ал Чек ара кызматынын аскер кызматкерлеринен акча алып турган деп шектелип жатат. Бул факты боюнча Кылмыш-жаза кодексинин 343-беренесинин 1-бөлүгү ("Опузалап пара талап кылуу") менен кылмыш иши козголгон. УКМК учурда бул ишке тиешеси болушу мүмкүн болгон башка кызмат адамдарын аныктоо боюнча тергөө жүрүп жатканын кошумчалады. 

Кармалган жаран 39 жашта.