Ошто “Коопсуз шаар” долбоору ишке киргенден бери 20 394 эреже бузуу катталган. Бул тууралуу “Т-Медиага” шаардык муниципалдык менчик башкармалыгынын орун басары Максат Орозалиев билдирди. 

Бул 18-сентябрдан 31-октябрга чейинки катталган эреже бузуулар. Ал эми айып пулдун өлчөмү канча болгонун тактаган жок. 

Ош шаарында "Коопсуз шаар" долбоору 16-сентябрдан тарта толук иштеп баштаган. Кесилиштерге орнотулган камера бузуунун 10 түрүн аныктайт. Жол эрежесин бузгандарга карата бир айдын ичинде айып пулдар расмий түрдө салынып, билдирмелер айдоочулардын дарегине жөнөтүлөт. Учурда шаарда долбоордун 44 камерасы иштөөдө. 

"Коопсуз шаардын" камераларын сатып алууга Муниципалдык менчик башкармалыгы 2,5 млрд сомдук тендер жарыялаган. Конкурска жалгыз орусиялык "МегаФон" акционердик коому катышып, жеңүүчү аталган.