Бүгүн Ошто сегиз өлкөнүн ишкерлери чогулган жарманке өтүп жатат. Бул сегизинчи жолу уюштурулуп жаткан "Түштүк ЭКСПО-2024" иш чарасы. 

Жарманке Ош улуттук драма театрында өтүүдө. Ага Ош облусунун жети районунан келген жеке ишкерлер өз продуктулары менен катышып жатат.

Жарманкеге техникалардын түрлөрү, азыктар, мөмө жемиштер, агрономияга керек болгон дары-дармек, кийим, ат жабдыктар коюлган. 

Драма театрдын сыртында концертик иш чаралар болуп, боз үйлөр тигилген. 

Бул саамалыкты ата мекендик ишканаларды чет мамлекеттердин рынокторуна чыгаруу жана өнүктүрүүгө көмөк көрсөтүү үчүн уюштурушкан. 

Автор: Асилбек Тагайбек уулу