Ош облусунун Араван, Ноокат райондорунда күчү 2,5 баллга жеткен жер титирөө болду. Бул тууралуу ӨКМнин  маалымат кызматы билдирди. 

Силкинүү 21-декабрь күнү таңкы 9:11де болгон. Министрлик жер силкинүүнүн очогу Өзбекстандын аймагында болгонун маалымдайт.

"Өзбекстанда  MSK-64 шкаласы боюнча силкинүүнүн күчү очогунда 3,5 баллга жетти. Ал эми  Кызыл-Кыя шаарынан 40 чакырым түндүк чыгышта, Ош шаарынан 42 чакырым батышка чейин 2,5 баллга чейин сезилген."

ӨКМ жер титирөөдөн жабыркагандар жоктугун кошумчалап, кырсык учурунда коопсуздук эрежелерин сактоого чакырды.