Ош мэриясы троллейбус жана автобустарга MegaPay, Balance.kg тиркемелерин орнотту. Жүргүнчүлөр 20-апрелге чейин алардын QR коду аркылуу жол акыны 5 сомго арзан төлөсө болот. Бул тууралуу Ош шаардык муниципалдык автоунаа ишканасынын жетекчиси Саибжан Турдуев "Т-Медиага" билдирди.

"Бизде жол акы 10  сом эмес беле. Эми акция жүрүп жаткандыктан, беш  сом болуп жатат. Шаардагы бардык троллейбустарга тиркемелер коюлду. Акция 11-марттан 20-апрелге чейин уланат. Андан кийин QR код менен 10 сомдон төлөнөт",-дейт ал.

Калаада автобус жана троллейбустарда жол акы 10 сомдон, карта менен төлөм жүргүзгөндөргө 8 сом. Шаарда №1 жана №2 каттамдарында 26 троллейбус иштейт.

Автор: Байэл Бурханов