Бишкек-Ош унаа жолундагы "Сосновка" бекетинде оор жүк ташуучу унааларга киргизилген чектөө алынганын Өзгөчө кырдаалдар министрлиги билдирди. 

Министрлик аба ырайына байланыштуу  8-декабрда эрте менен оор жүк ташуучу унаалардын бардык түрүнө чектөө киргизген.

Ал эми Токтогул районундагы "Арал" постунан унаалар дагы деле өткөрүлбөй жатат. 

ӨКМ мындай чечим кар жаап, жол тайгак болуп жаткандыгына байланыштуу кырсыктарды алдын алуу жана жол тыгындарын болтурбоо максатында кабыл алынганын билдирген.

Кыргызгидромет 8-9-декабрь күндөрү өлкөнүн көпчүлүк аймактарында кар жаап, катуу суук болорун эскерткен. Абанын температурасы -15°Сге чейин төмөндөйт. Жолдордо муз тоңуп, тоолуу райондордо кар көчкү жүрүшү мүмкүн.