Бишкек–Ош унаа жолунда кар жаагына байланыштуу Жайыл районунун “Сосновка” постунда оор жүк ташуучу унаалардын бардык түрүнө саат 10:15тен тартып убактылуу чектөө киргизилди.

Бул тууралуу 1-декабрда Өзгөчө кырдаалдар министрлиги билдирди.

Министрлик мындай чектөөлөр ар кандай кырсыктарды алдын алуу максатында киргизилгенин кошумчалады. Унаа жолдун абалы жакшыргандан кийин чектөө алынат.

ӨКМ буга чейин аба ырайы кескин өзгөрүп, нөшөрлүү жаан, тоолуу аймактарда кар жаай турганын эскерткен.