Ош шаарындагы "Сулайман-Тоо" улуттук тарыхый-археологиялык музей комплексине Медербек Апарханов директор болуп дайындалды. Тиешелүү тескемеге министрлер кабинетинин төрагасы 7-сентябрда кол койгонун анын маалымат кызматы билдирди.

Буга чейин музейди Гүлбара Абдыкалыкова жетектеп турган. Ал ушул жылдын июль айында Маданият, маалымат, спорт жана жаштар саясаты министринин орун басарлыгына дайындалган. 

Медербек Апарханов 37 жашта. Ачык булактарда ал Өзгөн районундагы Камилжан Раимбеков мектеп-гимназиясынын директору катары көрсөтүлгөн. Мындан тышкары "Мырза-Аке-жаштар биримдиги" коомдук бирикмесинин жетекчиси.