Ирандагы аба соккуларында кыргыз жарандары жабыркаган жок. Бул тууралуу Кыргызстандын Тышкы иштер министрлиги билдирди. 

ТИМ эки өлкөдө чатактын курчуп кетишине тынчсыздануусун кабарлап, тараптарды мындан аркы аскердик аракеттерден баш тартууга жана бүткүл Жакынкы Чыгышта кырдаалды туруксуздаштыруу коркунучуна жол бербөөгө чакырган. 

Өлкөнүн Иран Ислам Республикасындагы элчилиги кыргыз жарандарына өздүк коопсуздук чараларын камсыз кылуусун эскертип жатат. 

Иранда жүргөн жарандар зарыл учурда жардам же консультация алуу үчүн элчиликтин +982122830354 жана +989352505226, ошондой эле ТИМ консулдук департаментинин +996999312002 ыкчам байланыш номерлерине кайрылышса болот.

Кечээ, 26-октябрда Израил Ирандын аймагына сокку урганы кабарланган.