"Мунапыс берүү негиздери жана анын колдонуу тартиби жөнүндө"мыйзамга өзгөртүү киргизүү сунушталууда. Аны депутат Эрнис Айдаралиев демилгелеп, 1-октябрда коомдук талкууга койгон. 

Анда террористтик ишти каржылоо, террордук иштерди жүзөгө ашырууга ачык чакырыктар, уюшкан топторду жана кылмыштуу коомдоштуктарды каржылоо, куралды, ок-дарыларды мыйзамсыз жүгүртүү, диверсия кылмыштары үчүн мунапыс бербөө каралууда. 

Документте мыйзам долбоордун максаты Жаза-аткаруу мыйзамдарына ылайык келтирүү экендиги жазылган. 

Мунапыс берүү - бул гуманизм жана ырайымдуулук принцибин ишке ашыруу максатында жеке аныкталбаган адамдардын чөйрөсүнө тиешелүү болгон жана кылмыш жазасынан бошотууну караштырган, мыйзам түрүндө кабыл алынган мамлекеттик органдын актысы.