Ысык-Көлдүн Бостери айылындагы "Золотые пески" борбордук жээги капиталдык ондоп-түзөөдөн өтүп, заманбап эс алуучу жай курулат. Бул тууралуу Мамлекеттик курулуш агенттиги билдирди.

Мындай чечим мамкурулуштун директорунун орун басары Бакай Турдугуловдун Бостери айылына 10-ноябрда болгон сапарында белгилүү болгон. 

"Долбоорду ишке ашыра турган "Кыргыз курулуш" мамлекеттик ишканасы объект менен жеринен таанышты. Эки тараптуу сүйлөшүүлөрдүн натыйжасында 10 күндүн ичинде курулуш иштерин баштоо чечими кабыл алынды"- деп айтылат мамкурулуштун маалыматында.

Маалыматка караганда, курулуш үчүн жалпы 35 миллион сом каражат сарпталат.