Ош облусунун Өзгөн районунда төрт балалуу 28 жаштагы келиндин өлүмүнө шек саналып, 24 жаштагы кошунасы кармалды. Шектүү учурда милициянын убактылуу кармоочу жайына киргизилип, тергөө иштери уланууда. Бул тууралуу “Т-Медиага” Ош облустук ички иштер башкармалыгы билдирди.

Мекеменин маалыматына караганда, окуя 2024-жылдын 4-октябрында болгон. 

"Бул факты каттоого алынып, окуя болгон жерге РИИБдин жетекчилиги жана тергөө ыкчам тобу чыгышып, тергөөгө чейинки текшерүү иштерин баштаган. Чогултулган материалдын негизинде Кылмыш-жаза кодексинин 122-беренеси (Адам өлтүрүү) боюнча кылмыш иши козголуп, ыкчам тергөө амалдары башталган".