Жалал-Абад шаарына 304 орунду муниципалдык кинотеатр курулуп жатат. Имараттын курулушу күз айларында бүтүп пайдаланууга берилет. 

Мэриянын маалымдашынча, кинотеатрга жер Түмөнбай Байзаков атындагы парктын аймагынан бөлүнүп берилген. Курулушка жалпы 54 млн сом бөлүнгөн. Каражат мамлекет тарабынан Жалал-Абад шаарын өнүктүрүүгө ажыратылган 2 млрд сомдун эсебинен каралган. Мындан тышкары жергиликтүү бийлик да кошумчалаганы айтылды. 

Кинотеатр жалпы алты көрүү залынан турат. Бир зал 200 адамга ылайыкташса, калгандары орто жана кичине залдар. 

Жалал-Абад мэриясы мындай кинотеатр калаада алгачкы жолу салынып жатканын белгилейт.