Аксы районуна караштуу Жерге-Тал айылындагы үй-бүлөлүк дарыгерлер тобунун имараты толугу менен күйүп кетти. Кырсык 23-декабрда таңга маал катталган. Саламаттыкты сактоо министрлигинин Жалал-Абад обулусундагы координатору  Каарманбек Байдавлетовдун билдиришинче, өрттүн себеби азырынча белгисиз.

"Ал имарат жыгачтан жасалгандыктан толугу менен күйүп бүткөн. Ичиндеги жабдуулары да өртөнүп кеткен. Жабыркагандар жок",-дейт ал.  

Борбордо ондон ашык кызматкер иштейт. Аларга айыл өкмөт тарабынан имарат берилип, иштеп жатат.