Бүгүн, 16-ноябрда жергиликтүү кеңештердин депутаттарын шайлоодо 9538 адам көчмө урна менен добуш берип жатат. Борбордук шайлоо комиссиясынын маалыматы боюнча, 3746сы кары-картаңдар, 1979у майыптыгы барлар. 3145 адам оорусуна байланыштуу шайлоо участкаларына баралбастыгын билдирген. 

Мындан сырткары үзгүлтүксүз иштөө цикли (вахталык иштер) бар ишканаларда, стационардык дарылоо-профилактикалык мекемелерде, шектүү жана айыпталуучу катары абактагы жарандардан, ошондой эле аскер кызматчылары жана алардын үй-бүлө мүчөлөрү, аскердик бөлүктөрдө жашаган башка адамдар жана мөөнөттүү кызматтагы аскер кызматчыларынан 668 арыз түшкөн.

 Эске салсак: 2437 шайлоо участкасынын ичинен 1129 тилкеде көчмө урналар менен добуш берүү жүрүүдө.