Кыргыз балбаны Мээрим Жуманазарова Парижде өтө турган Олимпиада оюндарына жолдомону утуп алды. Ал өзбекстандык спортчу Набира Эсенбаеваны 7:2 эсебинде жеңди.

Бүгүн, 20-апрелде Жуманазарова Бишкекте Олимпиадагы лицензия үчүн күрөшкөн. Анда индиялык жана казакстандык атаандаштарын да жеңген. 

19-апрелде эркин күрөштөн Эрназар Акматалиев, Бекзат Алмаз уулу да жолдомо утуп алган. Былтыр грек-рим күрөшүнөн Жоламан Шаршенбеков, Акжол Махмудов, кыз-келиндер күрөшүнөн Айпери Медет кызы, Айсулуу Тыныбекова Париж Олимпиадасына лицензия уткан. Сууда сүзүүчү Денис Петрашов да жолдомо бар.