Жогорку Кеңештин депутаты Жусупбек Коргонбай уулунунун ыйгарым укуктары мөөнөтунөн мурда токтотулду. Мындай чечимди Борбордук шайлоо комиссиясы бүгүн, 23-апрелдеги жыйынында кабыл алды.

Анда БШКнын бардык мүчөсү (12) тең депутаттын ишмердүүлүгүн токтотууга макул болгон. Натыйжада №5 Ноокат бир мандаттуу шайлоо округунда кайрадан мөөнөтүнөн мурда шайлоо өткөрүү чечими кабыл алынды. Сунуш президентке жолдонот. 

Коргонбай уулу мандатын тапшыруу үчүн 22-апрелде Борбордук шайлоо комиссиясына арыз жазган. Азырынча анын себеби айтыла элек.

44 жаштагы Жусупбек Коргонбай уулу парламенттин жетинчи чакырылышына №5 Ноокат бир мандаттуу шайлоо округунан депутат болуп келген.