Ошто жасалма акча сатууга аракет кылган жаран кармалды. Бул тууралуу Ички иштер башкармалыгы 25-майда билдирди. 

Шектүү 23-май күнү 9,3 миң жасалма АКШ долларын сатууга аракет кылган. Ал 32 жашта.

Андан 93 даана жүздүк купюралар алынган. Эксперттер акча жасалма экенин аныкташты. Тиешелүү корутунду тергөө кызматына жөнөтүлүп, Кылмыш-жаза кодексинин 233-беренеси менен кылмыш иши козголгон.

Шектүү Ош шаардык ички иштер башкармалыгынын убактылуу кармоо жайына киргизилди. Учурда кылмышка тиешеси бар башка адамдарды аныктоо боюнча тергөө жүрүүдө.