Эне жана баланы коргоо улуттук борборунун базасында гемодиализ борбору курулат. Бул тууралуу Саламаттык сактоо министрлигинин басма сөз кызматы кабарлады.

Маалыматка караганда, Саламаттык сактоо министри Алымкадыр Бейшеналиев Кувейттин "Ас-Сафа" кайрымдуулук фондунун негиздөөчүсү жана жетекчилигинин төрагасы менен бирге Эне жана баланы коргоо улуттук борборуна барган.  Алар борбордун аймагындагы 1995-жылдан бери бүтпөй келген үч кабаттуу имаратты көрүп чыгышкан. 

Бейшеналиев имарат курулуп бүтсө, гемодиализ борборунан тышкары эндокринология, нефрология жана башка бөлүмдөрдү жайгаштырууга болорун билдирген.