Белгилүү дарыгер, хирург жана окумуштуу Эрнст Акрамов 88 жашында дүйнө салды. Бул тууралуу анын кесиптештери кабарлады. Ал өмүрүнүн аягына чейин Чүй облустук ооруканасынын хирургия бөлүмүн жетектеген.

Эрнст Акрамов 1936-жылы Фрунзе шаарында туулган. Медициналык институтту аяктап, хирургия багытын тандаган. Ал Кыргыз Республикасынын Баатыры, белгилүү хирург, медицина илиминин доктору жана профессор. Мамлекттик эң жогорку сыйлыктарга татыган. 2009-жылы Эл баатыры наамын "Ак шумкар" орденин алган. Мындан сырткары көптөгөн эл аралык сыйлыктардын лауреаты.1989-1992-жылдары СССРдин эл депутаты болгон. 

2002-жылдан тартып Саламаттык сактоо министрлигине караштуу реконструкция-калыбына келтирүү хирургиясы илимий борборунун директору болуп эмгектенген. Ошондой эле Кыргыз-орус славян университетинин госпиталдык хирургия кафедрасынын профессору болгон. 2007-жылы Жогорку Кеңештин төртүнчү чакырылышынын депутаты болуп шайланган.