Жогорку Кеңештин депутаты Эмилбек Жусуповдун ордуна Советбек Рустамбек уулу мандат алды. Борбордук шайлоо комиссиясы мындай чечимди 22-апрелдеги жыйынында кабыл алды.

"Ишеним" партиясынан шайланып барган Эмилбек Жусупов 20-апрелде мандатын тапшырууга арыз жазганы маалым болгон. Бирок чечиминин себеби айтылган эмес. 

Советбек Рустамбек уулу 47 жашта. Ош облусунун Ноокат районундагы Кыркол-Сай айылында туулган. Жеке ишкер, 2019-жылы "Алыш" күрөшүнүн вице-президенти болгон.